சேவல் சூதாட்டத்தில் ஈடுபட்ட 5 பேர் கைது

ஈரோடு சஞ்சய் நகர் பகுதியில் சேவல் வைத்து சிலர் சூதாட்டத்தில் ஈடுபடுவதாக ஈரோடு தாலுகா போலீசாருக்கு தகவல் கிடைத்தது. அதன்பேரில் போலீசார் அங்கு விரைந்து சென்றனர். அப்போது அங்கு 5 பேர் சேவலை வைத்து சூதாட்டத்தில் ஈடுபட்டுக்கொண்டு இருந்தனர். அவர்கள் போலீசாரை பார்த்ததும் அங்கு இருந்து தப்பி ஓட முயன்றனர். ஆனால் போலீசார் அவர்களை சுற்றி வளைத்து பிடித்தனர். பிடிப்பட்டவர்களிடம் போலீசார் நடத்திய விசாரணையில், அவர்கள் அதேபகுதியை சேர்ந்த இளங்கோ என்ற மகேஷ் (வயது 47), நஞ்சை ஊத்துக்குளி பகுதியை சேர்ந்த சுப்பிரமணி என்பவரின் மகன் ஜெயக்குமார் (25), கருங்கல்பாளையம் பகுதியை சேர்ந்த ரமேஷ் என்பவரின் மகன் பிரேனேஷ் (20), சாவடிப்பாளையம் பகுதியை சேர்்ந்த பழனிச்சாமியின் மகன் விக்னேஷ் (24), கரூர் மாவட்டம் ரெட்டிப்பாளையம் பகுதியை சேர்ந்த சக்திவேல் என்பவரின் மகன் கண்ணன் (23) என்பதும் தெரியவந்தது. இதுகுறித்து போலீசார் வழக்குப்பதிவுசெய்து 5 பேரையும் கைது செய்தனர்.