மழைவளம் வேண்டி 504 பேர் அம்மனுக்கு பாலாபிஷேகம்

தூத்துக்குடி தெர்மல் நகர் குடியிருப்பில் உள்ள ஆதிபராசக்தி சித்தர் சக்தி பீடத்தில் ஆடிப்பூர விழா குரு பூஜை, விநாயகர் பூஜை, சக்தி பூஜையுடன் தொடங்கியது. ஓம் சக்தி கொடியை உதவி செயற்பொறியாளர் பிரசாத் ஏற்றிவைத்தார். தொடர்ந்து மழைவளம், விவசாயம், தொழில்வளம், மக்கள் நலமுடன் வாழவும் வேண்டி கலச விளக்கு வேள்வி பூஜை நடந்தது. பூஜையை சக்தி பீட தலைவரும், உதவி செயற்பொறியாளருமான முருகேசன் தொடங்கி வைத்தார்.

பின்னர் உலக சமாதானம் வேண்டி கஞ்சி கலய ஆன்மிக ஊர்வலம் நடந்தது. மழைவளம் வேண்டி 504 பெண்கள் ஆதிபராசக்திக்கு பால் அபிஷேகம் செய்து வழிபட்டனர். நிகழ்ச்சியை அனல்மின் நிலைய தலைமை பொறியாளர் கிருஷ்ணகுமார் தொடங்கி வைத்தார். விழாவில், ஆன்மிக இயக்க மாவட்ட தலைவர் சக்தி முருகன், பொருளாளர் கண்ணன், பிரசார செயலாளர் முத்தையா, செயற்பொறியாளர்கள் சுடலையாடும் பெருமாள், கமலக்கண்ணன், சக்தி பீட நிர்வாகிகள் இசக்கியப்பன், சரவணன், செந்தில்குமார், ஜெயபால், சீனிவாசன், சுப்பிரமணியன், மந்திரம் உட்பட பலர் கலந்து கொண்டனர்.