ஸ்கூட்டரில் சென்ற பெண்ணிடம் 6 பவுன் சங்கிலி பறிப்பு

திருமயம்:

புதுக்கோட்டை சிப்காட் பகுதியை சேர்ந்தவர் ரவிச்சந்திரன் மனைவி ஜான்சி ராணி (வயது 52). இவர், திருமயம் அருகே உள்ள நச்சாந்துபட்டி அரசு மருத்துவமனையில் கண் பரிசோதகராக பணியாற்றி வருகிறார். இந்நிலையில் இன்று மாலை வழக்கம்போல் பணியை முடித்துவிட்டு வீட்டிற்கு தனது ஸ்கூட்டரில் நமணசமுத்திரம்- பொன்னமராவதி சாலையில் வந்து கொண்டிருந்தார். அப்போது ஜான்சிராணியை பின் தொடர்ந்து மோட்டார் சைக்கிளில் வந்த மர்ம நபர்கள் 2 பேர் ஜான்சி ராணியை ஸ்கூட்டரில் இருந்து கீழே தள்ளிவிட்டனர். இதில் நிலை தடுமாறிய ஜான்சிராணி கீழே விழுந்தார். இதையடுத்து மர்ம நபர்கள் ஜான்சி ராணி கழுத்தில் கிடந்த 6 பவுன் தாலி சங்கிலியை பறித்து கொண்டு அங்கிருந்து தப்பி சென்றனர். இதில் படுகாயமடைந்த ஜான்சி ராணியை அந்த வழியாக வந்தவர்கள் அவரை மீட்டு சிகிச்சைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். இதுகுறித்து புகாரின் ேபரில், நமணசமுத்திரம் போலீசார் விசாரணை நடத்தி வருகின்றனர்.