ஆட்டோவில் கடத்திய 650 கிலோ ரேஷன் அரிசி பறிமுதல்

தலைவாசலை அடுத்த நத்தக்கரை மாரியம்மன் கோவில் அருகே ரேஷன் அரிசி கடத்தப்படுவதாக சேலம் உணவு பொருள் கடத்தல் தடுப்பு பிரிவு போலீசாருக்கு ரகசிய தகவல் கிடைத்தது. இதையடுத்து அவர்கள் நேற்று முன்தினம் சம்பவ இடத்திற்கு சென்று வாகன தணிக்கையில் ஈடுபட்டனர். அப்போது, அந்த வழியாக வந்த மினி ஆட்டோவை நிறுத்தி சோதனை செய்தபோது, அதில் 13 மூட்டைகளில் சுமார் 650 கிலோ ரேஷன் அரிசி கடத்தி செல்வது கண்டுபிடிக்கப்பட்டது. இதையடுத்து அவற்றை போலீசார் பறிமுதல் செய்தனர். பின்னர் ரேஷன் அரிசியை கடத்தியதாக கடலூர் மாவட்டம் திட்டக்குடி அருகே தொழுதூர் நடுத்தெருவை சேர்ந்த மூக்கன் (வயது 25) என்பவரை போலீசார் கைது செய்து சிறையில் அடைத்தனர்.