வாலிபரிடம் நகை பறிக்க முயன்ற 7 பேர் கைது

நெல்லை பாளையங்கோட்டையை சேர்ந்தவர் அம்ஜித் (வயது 25). இவரிடம் செல்போன் செயலி மூலம் தொடர்பு கொண்ட மர்மநபர்கள் சிலர் அவரை பெருமாள்புரம் காட்டுப்பகுதிக்கு வரவழைத்துள்ளனர். அதன்பேரில் சென்ற அம்ஜித்திடம் அங்கு பதுங்கி இருந்த சிலர் அவரின் நகைகளை பறிக்க முயன்றனர். இதனால் அதிர்ச்சி அடைந்த அவர் பெருமாள்புரம் போலீசில் புகார் செய்தார்.

இதுகுறித்து வழக்குப்பதிவு செய்த போலீசார் தூத்துக்குடி மாவட்டம் செய்துங்கநல்லூரை சேர்ந்த முத்து (22), மந்திரம் (23), பாளையங்கோட்டை கிருஷ்ணாபுரத்தை சேர்ந்த மணி (22) உள்ளிட்ட 7 பேரை போலீசார் கைது செய்தனர். அவர்களிடம் போலீசார் விசாரணை நடத்தி வருகின்றனர்.