8 கிலோ கஞ்சா பறிமுதல்

மதுரை மாட்டுத்தாவணி பஸ் நிலையப் பகுதியில் கஞ்சா வைக்கப்பட்டுள்ளதாக மாட்டுத்தாவணி போலீசருக்கு தகவல் கிடைத்தது. இதனை தொடர்ந்து போலீசார் 3 -வது பிளாட்பார பகுதியில் சோதனை நடத்திய போது அங்கு விற்பனைக்காக 8 கிலோ கஞ்சா வைக்கப்பட்டு இருந்தது தெரிய வந்தது. இதனை தொடர்ந்து அதனை வைத்திருந்த சையது இப்ராஹிம் (வயது23) உள்பட 3 பேரை போலீசார் கைது செய்து அவர்களிடம் இருந்த 8 கிலோ கஞ்சாவை பறிமுதல் செய்தனர். மேலும் அவர்களிடம் இருந்த செல்போனையும் மீட்டனர். அவர்களிடம் நடத்தப்பட்ட விசாரணையில் சென்னையைச் சேர்ந்த சரவணன் என்பவர் கஞ்சாவை கொடுத்ததாக தெரிவித்தனர். அதன் அடிப்படையில் சரவணன் மீதும் வழக்கு பதிவு செய்து விசாரணை நடத்தி வருகின்றனர்.