உரக்குழியில் தவறி விழுந்த 3 வயது குழந்தை பலி

திருமங்கலம்,

மதுரை மாவட்டம் திருமங்கலம் அருகே கூடக்கோவில் போலீஸ் சரகம் எலியார்பத்தி கிராமத்தைச் சேர்ந்தவர் தனுஷ்கோடி. இவருடைய மகள் யோக தார்விகா (வயது 3). நேற்று முன்தினம் தனுஷ்கோடிக்கு சொந்தமான தோட்டத்தில் யோக தார்விகா விளையாடிக் கொண்டிருந்தது.. ஆனால் குழந்தையை திடீரென காணவில்லை.

குழந்தையை தேடிப் பார்த்தனர். அப்போது தோட்டத்தில் உரக்குழிக்காக தோண்டப்பட்ட பள்ளத்தில் இருந்த தண்ணீரில் விழுந்து குழந்தை இறந்து கிடந்தது. இதை பார்த்து பெற்றோர் கதறி அழுதனர். இதுகுறித்து தகவல் அறிந்த கூடக்கோவில் போலீசார் சிறுமியின் உடலை கைப்பற்றி பிரேத பரிசோதனைக்காக திருமங்கலம் அரசு மருத்துவமனைக்கு அனுப்பி வைத்தனர். மேலும் இச்சம்பவம் குறித்து விசாரணை நடத்தி வருகின்றனர்.