நாயிடம் பால் குடித்த கன்றுக்குட்டி

வேலூர் மாவட்டம் குடியாத்தம் சித்தூர்கேட் பாஷா நகரில் வசிப்பவர் அஸ்கர். மாடு வியாபாரம் செய்து வருகிறார். இவரது வீட்டில் கன்றுக்குட்டி ஒன்று வளர்ந்து வருகிறது.

இந்த கன்றுக்குட்டி நேற்று வீட்டிற்கு வெளியே இருந்துள்ளது. அப்போது அங்கு நாய் ஒன்று தனது குட்டிகளுக்கு பால் கொடுத்துக் கொண்டிருந்தது. அதனை கண்ட கன்றுக்குட்டியும் அந்த நாயிடம் சென்று பால் குடித்துள்ளது.

நாயும் கன்றுக் குட்டி பால் குடிக்கும் வரை அமைதியாக இருந்துள்ளது. நாயிடம் கன்றுக்குட்டி பால் குடித்த காட்சியை அப்பகுதி பொதுமக்கள் அதிசயத்துடன் பார்த்தனர்.