வாலிபரை தாக்கியதாக 3 பேர் மீது வழக்கு

கே.கே.நகர்:

திருச்சி மணிகண்டம் கீழ பஞ்சப்பூரை சேர்ந்தவர் சுதாகர்(வயது 27). கட்டிட தொழிலாளி. இவருக்கும் அதே பகுதியை சேர்ந்த இவரது உறவினர்கள் பாரத், கார்த்தி ஆகியோருக்கும் முன்விரோதம் இருந்து வந்தது. இந்த நிலையில் சம்பவத்தன்று இரவு சுதாகர் கீழப்பஞ்சபூர் கடைவீதியில் நின்றபோது, அங்கு வந்த பரத், கார்த்திக் மற்றும் அவரது நண்பர்களான சபித் உள்ளிட்ட 2 பேர் என 4 பேர் சேர்ந்து சுதாகரை தாக்கியதாக கூறப்படுகிறது. இதில் பலத்த காயமடைந்த சுதாகர் திருச்சி அரசு மருத்துவமனையில் அனுமதிக்கப்பட்டார். இது குறித்து அவர் அளித்த புகாரியின்பேரில் பாரத், கார்த்திக், சபித் ஆகியோர் மீது எடமலைப்பட்டிபுதூர் போலீசார் வழக்குப்பதிந்து, அவர்களை தேடி வருகின்றனர். இதில் பாரத் மீது ஏற்கனவே 2 வழக்குகளும், கார்த்தி மீது ஒரு வழக்கும் உள்ளதாக போலீசார் தெரிவித்தனர்.