அத்தையை தாக்கிய பெண் மீது வழக்கு

களக்காடு:

களக்காடு அருகே உள்ள தெற்கு மீனவன்குளம் காமராஜர் தெருவை சேர்ந்தவர் சுகலிங்கம் மனைவி தங்கமணி (வயது 35). கூலி தொழிலாளி. இவருக்கும், இவரது அண்ணன் முத்துக்குட்டிக்கும் இடையே குடும்ப பிரச்சினை தொடர்பாக தகராறு ஏற்பட்டு முன்விரோதம் இருந்து வருகிறது. இந்நிலையில் சம்பவத்தன்று தங்கமணி வீட்டின் முன் நின்று கொண்டிருந்தபோது, அங்கு வந்த முத்துக்குட்டியின் மகளும், அதே ஊரைச் சேர்ந்த பெரியதுரையின் மனைவியுமான மலர்விழிக்கும், தங்கமணிக்கும் மீண்டும் தகராறு ஏற்பட்டது. இதனால் ஆத்திரம் அடைந்த மலர்விழி தனது அத்தை தங்கமணியை, அவதூறாக பேசி கன்னத்தில் தாக்கினார். மேலும் கொலை மிரட்டலும் விடுத்தார். இதுபற்றி அவர் களக்காடு போலீசில் புகார் செய்தார். சப்-இன்ஸ்பெக்டர் ரெங்கசாமி இதுசம்பந்தமாக மலர்விழி மீது வழக்குப்பதிவு செய்து விசாரணை நடத்தி வருகிறார்.