நகராட்சி அலுவலகத்திற்குள் புகுந்த நாக பாம்பு

பேரணாம்பட்டு நகராட்சி அலுவலகத்தில் நாக பாம்பு ஒன்று புகுந்தது. இதனை பார்த்து அதிர்ச்சியடைந்த நகராட்சி ஊழியர்கள் அலறியடித்து ஓடினர். பின்னர் தூய்மை பணியாளர்கள் பினாயில் ஊற்றி பாம்பை பிடிக்க முயன்ற போது நகராட்சி தலைவரின் அறையின் பின்புற பகுதியிலுள்ள மண் நிறைந்த பள்ளத்தில் புகுந்தது. உடனடியாக பேரணாம்பட்டு வனத்துறையினர்க்கு தகவல் தெரிவிக்கப்பட்டது. விரைந்து வந்த வனத்துறையினர் சுமார் 4 மணி நேரம் போராடி பாம்பை பிடிக்க முயற்சி செய்தனர். ஆனால் அங்குள்ள பள்ளத்தில் பாம்பு மறைந்து விட்டதால் வனத்துறையினர் பாம்பை பிடிக்க முடியாமல் ஏமாற்றத்துடன் திரும்பி சென்றனர்.