விபத்தில் கல்லூரி மாணவன் பலி

சிவகாசி,

சாத்தூர் அருேக விபத்தில் கல்லூரி மாணவன் பரிதாபமாக இறந்தான். வாலிபர் படுகாயம் அடைந்தார்.

2 பேர் படுகாயம்

சாத்தூரை சேர்ந்தவர் சதீஷ்குமார் (வயது21). மேட்டமலையில் உள்ள அரசு கலைக்கல்லூரியில் வணிகவியல் துறையில் 3-ம் ஆண்டு படித்து வந்தார். இவரது நண்பர் சிவகாசியை சேர்ந்த மாரிச்சாமி (22). இவர்கள் இருவரும் நேற்று மேட்டமலையிலிருந்து சாத்தூருக்கு மோட்டார் சைக்கிளில் சென்று கொண்டிருந்தனர்.

அப்போது மேட்டமலை அருகே சாலையின் ஓரத்தில் நிறுத்தி வைக்கப்பட்டிருந்த வேன் பின்புறம் மோதியதாக கூறப்படுகிறது. இதில் இருவரும் படுகாயம் அடைந்தனர்.

கல்லூரி மாணவர் பலி

இந்த விபத்தில் சதீஷ்குமார் சம்பவ இடத்திலேயே பரிதாபமாக இறந்தார். இதையடுத்து அருகில் இருந்தவர்கள் காயமடைந்த மாரிசாமியை மீட்டு சாத்தூர் அரசு ஆஸ்பத்திரிக்கு சிகிச்சைக்காக அனுப்பி வைத்தனர்.

இந்த விபத்து குறித்து சாத்தூர் டவுன் இன்ஸ்பெக்டர் செல்லப்பாண்டி வழக்குப்பதிவு செய்து விசாரணை நடத்தி வருகிறார். சாலை விபத்தில் கல்லூரி மாணவர் இறந்த சம்பவம் மாணவர்கள் மத்தியில் பெரும் சோகத்தை ஏற்படுத்தி உள்ளது.