மாணவியை கர்ப்பமாக்கிய கல்லூரி மாணவர்

திருப்பத்தூர் மாவட்டம் ஆம்பூர் அருகே உள்ள ஒரு கிராமத்தை சேர்ந்தவர் 17 வயது மாணவி. இவர் கல்லூரியில் படித்து வருகிறார். இவருக்கு கடந்த சில நாட்களுக்கு முன்பு வயிறு வலி ஏற்பட்டுள்ளது. இதனால் மாணவியை அவரது தாயார் சிகிச்சைக்காக வேலூர் அரசு மருத்துவமனைக்கு அழைத்து சென்றார். அங்கு மருத்துவ பரிசோதனை செய்ததில் மாணவி கர்ப்பமாக இருப்பது தெரியவந்தது. இதையடுத்து மருத்துவமனை அலுவலர்கள் ஆம்பூர் தாலுகா போலீசாருக்கு தகவல் தெரிவித்துள்ளனர்.

அதன்பேரில் மாணவியிடம் போலீசார் விசாரணை நடத்தினர். அப்போது ஆம்பூர் அருகே உள்ள ஒரு கிராமத்தை சேர்ந்த கல்லூரி மாணவர் ஒருவர் தன்னை காதலித்ததாகவும், தன்னிடம் அத்துமீறி நடந்ததாகவும் தெரிவித்தார். இதைத்தொடர்ந்து ஆம்பூர் தாலுகா போலீசார் போக்சோ சட்டத்தின் கீழ் வழக்குப் பதிவு செய்து கல்லூரி மாணவனை தேடி வருகின்றனர்.