மக்கள் குறைதீர்க்கும் கூட்டம்

மயிலாடுதுறை:

மயிலாடுதுறை மாவட்ட கலெக்டர் அலுவலக கூட்ட அரங்கில் மக்கள் குறை தீர்க்கும் கூட்டம் நடந்தது. கூட்டத்திற்கு கலெக்டர் லலிதா தலைமை தாங்கினார். இதில் இலவச வீட்டுமனைப்பட்டா மற்றும் பட்டா மாறுதல், வேலைவாய்ப்பு, முதியோர், மாற்றுத்திறனாளிகள், மற்றும் விதவை உதவித்தொகை, மாற்றுத்திறனாளிகள் அடையாள அட்டை, மாற்றுத்திறனாளி உதவிதொகை, வங்கிகடன் உள்ளிட்ட பல்வேறு கோரிக்கைகளை முன்வைத்து 143 மனுக்கள் பெறப்பட்டன. இந்த மனுக்களை, சம்பந்தப்பட்ட துறை அலுவலர்களிடம் வழங்கி உரிய நடவடிக்கை வேண்டும் என கலெக்டர் உத்தரவிட்டார்.கூட்டத்தில், மாவட்ட வருவாய் அலுவலர் முருகதாஸ், மாவட்ட கலெக்டரின் நேர்முக உதவியாளர் (நிலம்) ஷாஜஹான், மாவட்ட வழங்கல் அலுவலர் கிருஷ்ணன் மற்றும் பல்வேறு துறை அலுவலர்களும் கலந்துகொண்டனர்.