தவறி விழுந்த ெபயிண்டர் பலி

சிவகாசி,

சிவகாசி அருகே உள்ள சாட்சியாபுரம் ஸ்டேட் பேங்க் காலனியை சேர்ந்தவர் லட்சுமணன் (வயது 45). பெயிண்டர். சம்பவத்தன்று எஸ்.என்.புரத்தில் உள்ள ஒரு வீட்டில் கயிற்றில் உட்கார்ந்த நிலையில் பெயிண்ட் அடித்துக்கொண்டு இருந்த போது எதிர்பாராமல் கயிறு அறுந்து தவறி விழுந்ததாக கூறப்படுகிறது. இதில் லட்சுமணனுக்கு தலையில் பலத்த காயம் ஏற்பட்டது. உடனே அருகில் இருந்தவர்கள் அவரை மீட்டு சிவகாசி அரசு ஆஸ்பத்திரியில் முதலுதவி அளித்தனர். பின்னர் அவர் மேல் சிகிச்சைக்காக மதுரை அரசு ஆஸ்பத்திரியில் அனுமதித்தனர். அங்கு சிகிச்சை பலன் அளிக்காமல் லட்சுமணன் பரிதாபமாக இறந்தார். இதுகுறித்து அவரது மனைவி அம்மா பொண்ணு கொடுத்த புகாரின் பேரில் திருத்தங்கல் போலீசார் வழக்குப்பதிவு செய்து விசாரணை நடத்தி வருகிறார்கள்.