ஓசூரில் தண்ணீர் தொட்டியில் தவறி விழுந்து சிறுமி பலி

ஓசூர்:

சிறுமி

கிருஷ்ணகிரி மாவட்டம் ஓசூர் அண்ணா நகரை சேர்ந்தவர் அல்தாம்ஸ் (வயது 35). இவருடைய மகள் ஆஷியா (8). இவர் நேற்று முன்தினம் இரவு தனது வீட்டுக்கு அருகில் புதிதாக கட்டப்பட்டு வரும் கட்டிடம் அருகில் விளையாடி கொண்டிருந்தாள்.

அப்போது அவள் அங்கிருந்த தண்ணீர் தொட்டியில் எதிர்பாராதவிதமாக தவறி விழுந்து தண்ணீரில் மூழ்கி சிறுமி பலியானாள்.

வழக்குப்பதிவு

இது குறித்து தகவல் அறிந்ததும் ஓசூர் டவுன் போலீசார் சம்பவ இடத்திற்கு சென்று பலியான சிறுமியின் உடலை மீட்டு பிரேத பரிசோதனைக்காக ஓசூர் அரசு ஆஸ்பத்திரிக்கு அனுப்பி வைத்தனர்.

இந்த சம்பவம் குறித்து போலீசார் வழக்குப்பதிவு செய்து விசாரணை நடத்தி வருகிறார்கள்.