மர்ம விலங்கு கடித்து ஆடு பலி; 3 ஆடுகள் படுகாயம்

திருப்பத்தூர் மாவட்டம் நாட்டறம்பள்ளியை அடுத்த வெலக்கல்நத்தம் சென்ன கவுண்டனூர் பகுதியை சேர்ந்தவர் சாமிக்கண்ணு. இவரது மனைவி ஈஸ்வரி (வயது 50). இவருக்கு சொந்தமான நிலம் வனத்துறையையொட்டி உள்ளது. இவர் 4 ஆடுகளை வளர்த்து வந்தார். வழக்கம் போல நேற்று காலை தனது 4 ஆடுகளை மேய்ச்சலுக்காக நிலத்தில் கட்டியிருந்தார் மதியம் நேரத்தில் ஈஸ்வரி தங்களது ஆடுகளை பார்க்க சென்றார்.

அப்போது 4 ஆடுகள் நிலத்தில் மயங்கி கிடந்தது. இதனால் அதிர்ச்சி அடைந்த ஈஸ்வரி 4 ஆடுகளைப் பார்த்த போது மர்ம விலங்கு கடித்ததில் படுகாயம் அடைந்தது தெரியவந்தது. இதில் ஒரு ஆடு சம்பவம் இடத்திலேயே பரிதாபமாக இறந்து விட்டது.

இது குறித்து ஈஸ்வரி உடனடியாக நாட்டறம்பள்ளி கால்நடை மருத்துவருக்கு தகவல் தெரிவித்தார். கால்நடை மருத்துவர் வந்து சிகிச்சை அளித்தார். இதனால் 3 ஆடுகள் சிகிச்சை பெற்று வருகின்றது. இந்த பகுதியில் கடந்த சில நாட்களுக்கு முன்பு சிறுத்தை நடமாட்டம் இருந்ததாக கூறுகின்றனர். இதனால் ஆடுகளை மர்ம விலங்கு கடித்ததா அல்லது சிறுத்தை கடித்ததா என தெரியவில்லை.