பாம்பு கடித்து தொழிலாளி சாவு

காங்கயம்

காங்கயம் அருகே அவினாசிபாளையம் புதூர், ஜெ.நகரை சேர்ந்தவர் சந்திரன் (வயது 46). திருமணமான இவர் கூலி வேலை செய்து வந்தார். இந்தநிலையில் சந்திரன் நேற்று முன்தினம் இரவு 7 மணியளவில் தனது வீட்டின் அருகே உள்ள பொது தண்ணீர் தொட்டி அருகே நடந்து வந்தார். அப்போது ஒரு பாம்பு சந்திரனின் காலில் கடித்தது. பின்னர் சந்திரன் வீட்டிற்கு வந்து தனது குடும்பத்தினரிடம் இதுகுறித்து தெரிவித்தார். அதைத்தொடர்ந்து ஒரு ஆட்டோ மூலம் காங்கயம் அரசு மருத்துவமனைக்கு அவரை சிலர் கொண்டுவந்தனர்.

அங்கு அவருக்கு முதலுதவி சிகிச்சைகள் அளிக்கப்பட்டு பின்னர் மேல் சிகிச்சைக்காக திருப்பூர் அரசு மருத்துவமனைக்கு அனுப்பி வைத்தனர். அங்கு தீவிர சிகிச்சை பிரிவில் அனுமதிக்கப்பட்டு சிகிச்சை பெற்று வந்த சந்திரன் இரவு 11 மணியளவில் சிகிச்சை பலனின்றி பரிதாபமாக உயிரிழந்தார். இதுகுறித்து காங்கயம் போலீசார் வழக்குப்பதிவு செய்து விசாரணை நடத்தி வருகின்றனர்.

--------