வடமதுரை அருகே வாகனம் மோதி பெண் பலி

வடமதுரை அருகே உள்ள தாமரைப்பாடி பகுதியில் சுமார் 45 வயது மதிக்கத்தக்க பெண் ஒருவர் கடந்த சில நாட்களாக சுற்றித்திரிந்து வந்தார். இந்தநிலையில் சம்பவத்தன்று தாமரைப்பாடியில், திண்டுக்கல்-திருச்சி சாலையில் அந்த பெண் நடந்து சென்றார்.

அப்போது அந்த வழியாக வந்த வாகனம் ஒன்று அவர் மீது மோதிவிட்டு நிற்காமல் சென்றுவிட்டது. இதில் படுகாயம் அடைந்த அவரை சமூக ஆர்வலர் மயில்சாமி மற்றும் அக்கம்பக்கத்தினர் மீட்டு சிகிச்சைக்காக திண்டுக்கல் அரசு மருத்துவமனைக்கு அனுப்பி வைத்தனர். ஆனால் அங்கு சிகிச்சை பலனின்றி அந்த பெண் இறந்தார்.

ஆனால் அவர் யார்? எந்த ஊரை சேர்ந்தவர்? என்பது குறித்து தெரியவில்லை. இதுகுறித்து வடமதுரை போலீஸ் சப்-இன்ஸ்பெக்டர் பிரபாகரன் வழக்குப்பதிவு செய்து விசாரணை நடத்தி வருகிறார்.