மாடியில் இருந்து தவறி விழுந்து கொத்தனார் பலி

சாணார்பட்டி அருகே உள்ள கூவனூத்து குரும்பபட்டியை சேர்ந்தவர் வினோத் (வயது 33). கொத்தனார். இவர் நத்தம் பஸ் நிலையம் அருகில் உள்ள தனியார் கட்டிடத்தில் தங்கி வேலை செய்து வந்தார். இந்தநிலையில் நேற்று முன்தினம் இரவு, அந்த கட்டிடத்தின் மாடியில் இருந்து எதிர்பாராதவிதமாக வினோத் தவறி கீழே விழுந்தார்.

இதில், படுகாயம் அடைந்த அவர் சம்பவ இடத்திலேயே இறந்தார். இதுகுறித்து தகவல் அறிந்த நத்தம் போலீசார் சம்பவ இடத்திற்கு சென்று, வினோத்தின் உடலை கைப்பற்றி பிரேத பரிசோதனைக்காக நத்தம் அரசு மருத்துவமனைக்கு அனுப்பி வைத்தனர். மேலும் இதுகுறித்து போலீஸ் சப்-இன்ஸ்பெக்டர் விஜயபாண்டியன் வழக்குப்பதிவு செய்து விசாரணை நடத்தி வருகின்றனர்.