சத்திரப்பட்டி அருகே வாகனம் மோதி முதியவர் பலி

ஒட்டன்சத்திரம்-பழனி பைபாஸ் சாலையில், சத்திரப்பட்டி அருகே உள்ள மஞ்சநாயக்கன்பட்டி டோல்கேட் பகுதியில் நேற்று முன்தினம் இரவு சுமார் 65 வயது மதிக்கத்தக்க முதியவர் ஒருவர் வாகனம் மோதி இறந்து கிடந்தார்.

இதுகுறித்து தகவல் அறிந்த சத்திரப்பட்டி போலீசார் சம்பவ இடத்துக்கு விரைந்தனர். பின்னர் முதியவரின் உடலை கைப்பற்றி பிரேத பரிசோதனைக்காக, பழனி அரசு மருத்துவமனைக்கு அனுப்பி வைத்தனர். மேலும் போலீசார் வழக்குப்பதிவு செய்து, முதியவர் மீது மோதி விட்டு நிற்காமல் சென்ற வாகனம் குறித்து விசாரணை நடத்தி வருகின்றனர். இதேபோல் விபத்தில் பலியான முதியவர் யார்?, எந்த ஊரை சேர்ந்தவர்? என்பது குறித்த விசாரணையும் நடந்து வருகிறது.