மூதாட்டியிடம் கத்திமுனையில் பணம் கேட்டு மிரட்டியவர் கைது

காங்கயம்

காங்கயத்தை அடுத்த ஊதியூர் அருகே நிழலி பகுதியை சேர்ந்தவர் நாச்சம்மாள் (வயது 80). கடந்த 23-ந் தேதி இரவு அதே பகுதியை சேர்ந்த முருகன் (63) என்பவர் நாச்சம்மாள் வீட்டிற்கு குடிபோதையில் வந்து பணம் கேட்டு கத்தியை காட்டி மிரட்டியதாக கூறப்படுகிறது. இதையடுத்து மூதாட்டி சத்தம் போட அருகில் இருந்தவர்கள் ஓடிவந்து முருகனை பிடித்து, ஊதியூர் போலீசாரிடம் ஒப்படைத்தனர். இதுகுறித்து ஊதியூர் போலீசார் வழக்கு பதிவு செய்து முருகனை கைது செய்தனர். பின்னர் அவரை தாராபுரம் கோர்ட்டில் ஆஜர் படுத்தி, கோவை சிறையில் அடைத்தனர்.