மூலிகை தோட்டம் அமைக்க செடிகள் வழங்கும் நிகழ்ச்சி

பாளையங்கோட்டை அரசு சித்த மருத்துவக்கல்லூரி மற்றும் மாநகராட்சி சமாதானபுரம் நகர்நல மையம் இணைந்து பாளையங்கோட்டை மார்க்கெட் அருகில் உள்ள மாநகராட்சி மனக்காவலம்பிள்ளை ஆஸ்பத்திரியில் மூலிகை தோட்டம் அமைக்கப்படுகிறது. இதையொட்டி பாளையங்கோட்டை அரசு சித்த மருத்துவகல்லூரி முதல்வர் சாந்த மரியா, மூலிகை செடிகளை நகர் நலமைய மருத்துவ அலுவலர் சுகன்யா தேவியிடம் வழங்கினார்கள். சித்த மருத்துவக்கல்லூரி துணை முதல்வர் சவுந்தர்ராஜன், பேராசிரியர் டாக்டர் சுபாஷ்சந்திரன் மற்றும் ‌சித்த மருத்துவக்கல்லூரி பேராசிரியர்கள், டாக்டர்கள், மாநகராட்சி மருத்துவமனை அலுவலர்கள் உள்பட பலர் கலந்து கொண்டனர்.