வத்தல் விலை சரிவு

விருதுநகர் மார்க்கெட்டில் வத்தலின் விலை சரிந்துள்ளது.

வத்தல்

விருதுநகர் மார்க்கெட்டில் உளுந்து 100 கிலோ மூடைக்கு ரூ.8 ஆயிரம் ஆகவும், உருட்டு உளுந்தம் பருப்பு ரூ.200 விலை உயர்ந்து ரூ.11 ஆயிரம் ஆகவும், தொலி உளுந்தம் பருப்பு ரூ.200 விலை உயர்ந்து ரூ.9,800 ஆகவும் விற்பனை ஆனது. பாசிப்பருப்பு 100 கிலோ மூடைக்கு ரூ.100 விலை உயர்ந்து ரூ.10,100 ஆகவும், பாசிப்பயறு ரூ.8 ஆயிரம் முதல் ரூ.11,500 வரையிலும் விற்பனையானது.

துவரை 100 கிலோ மூடை ரூ.6,400 முதல் ரூ.7,700 வரையிலும், துவரம் பருப்பு 100 கிலோ மூடைக்கு ரூ.11 ஆயிரம் முதல் ரூ.11,700 வரையிலும் விற்பனையானது. மல்லி லயன் ரகம் 40 கிலோவிற்கு ரூ.200 விலை உயர்ந்து ரூ.3 ஆயிரம் முதல் ரூ.3,200 வரையிலும், மல்லி நாடு ரகம் ரூ.3 ஆயிரம் முதல் ரூ.4 ஆயிரம் வரையிலும் விற்பனை ஆனது. முண்டு வத்தல் ரூ.2 ஆயிரம் விலை குறைந்து ரூ.15 ஆயிரம் முதல் ரூ.18 ஆயிரம் வரையிலும், ஏ.சி.வத்தல் ரூ.20 ஆயிரம் முதல் ரூ.22 ஆயிரம் வரையிலும் விற்பனையானது.

எண்ணெய் வகைகள்

கடலை எண்ணெய் 15 கிலோவிற்கு ரூ.100 விலை உயர்ந்து ரூ.3,100 ஆகவும், நல்லெண்ணெய் 15 கிலோவிற்கு ரூ.6,600 ஆகவும், பாமாயில் 15 கிலோவிற்கு ரூ.40 விலை உயர்ந்து ரூ.1,520 ஆகவும், சூரியகாந்தி எண்ணெய் ரூ.2,500 ஆகவும் விற்பனையானது.

நிலக்கடலை பருப்பு 80 கிலோ ரூ.7 ஆயிரம் ஆகவும் விற்பனையானது. கடலை புண்ணாக்கு 100 கிலோவிற்கு ரூ.100 விலை குறைந்து ரூ.5,500 ஆகவும், எள் புண்ணாக்கு 50 கிலோவிற்கு ரூ.150 விலை உயர்ந்து ரூ.2,550 ஆகவும் விற்பனையானது. சீனி 100 கிலோவிற்கு ரூ.20 விலை உயர்ந்து ரூ.3,920 ஆகவும், கொண்டைக்கடலை குவிண்டாலுக்கு ரூ.5,400 ஆகவும், பொரிகடலை 50 கிலோவிற்கு ரூ.4 ஆயிரம் ஆகவும் விற்பனை ஆனது.

பட்டாணி பருப்பு

மைதா முதல் ரகம் ரூ.50 விலை உயர்ந்து ரூ.4,360 ஆகவும், 2-ம் ரகம் ரூ.3,600 ஆகவும், ஆட்டா 25 கிலோ ரூ.1,150 ஆகவும், ரவை 30 கிலோ ரூ.1,460 ஆகவும், கோதுமை தவிடு 50 கிலோ ரூ.1,040 ஆகவும், பட்டாணி 100 கிலோ ரூ.5,600 முதல் ரூ.6,200 வரையிலும், பட்டாணி பருப்பு ரூ.6,900 ஆகவும், மசூர் பருப்பு ரூ.500 விலை உயர்ந்து ரூ.10,800 ஆகவும் விற்பனையானது.

காபி பிளாண்டேஷன் பிபி ரகம் 50 கிலோவிற்கு ரூ.20,100 ஆகவும், ஏ ரகம் ரூ.20,600 ஆகவும், சி ரகம் ரூ.17,300 ஆகவும், ரோபஸ்டா பிபி ரகம் ரூ.10,700 ஆகவும், பிளாக் பிரவுன் ரகம் ரூ.9600 ஆகவும் விற்பனையானது.