மொபட்டில் புகையிலை பொருட்கள் கடத்தியவர் சிக்கினார்

நெல்லை அருகே தாழையூத்து போலீஸ் சப்-இன்ஸ்பெக்டர் செல்லத்தாய் மற்றும் போலீசார் நேற்று முன்தினம் ரோந்து பணியில் ஈடுபட்டு இருந்தனர்.

அப்போது அந்த பகுதியில் உள்ள அரசு பள்ளி அருகே மொபட்டில் வந்த நபரை வழிமறித்து அவர் கொண்டு வந்த பையை சோதனை செய்தனர். அதில் தடை செய்யப்பட்ட சுமார் 54 கிலோ புகையிலை பொருட்கள் கடத்தி வந்தது தெரியவந்தது.

விசாரணையில் அவர் சங்கர்நகர் பகுதியை சேர்ந்த ஜெயபிரகாஷ் (வயது 39) என்பது தெரியவந்தது. இதனையடுத்து போலீசார் வழக்குப்பதிவு செய்து அவரை கைது செய்தனர். அவரிடம் இருந்து ரூ.40 ஆயிரம் மதிப்புள்ள புகையிலை பொருட்கள் மற்றும் மொபட் பறிமுதல் செய்யப்பட்டது.