தொழிலாளி வீட்டுக்குள் புகுந்த பாம்பு

நத்தம் அருகே உள்ள குமரபட்டி பிரிவு பகுதியை சேர்ந்தவர் பழனிச்சாமி (வயது 36). கூலித்தொழிலாளி. நேற்று இவரது வீட்டுக்குள் பாம்பு ஒன்று புகுந்தது. இதை பார்த்த பழனிச்சாமி நத்தம் தீயணைப்புத்துறையினருக்கு தகவல் கொடுத்தார். அதன்பேரில் நத்தம் தீயணைப்பு நிலைய அலுவலர் லட்சுமணன் தலைமையில் வீரர்கள் அங்கு விரைந்து வந்தனர். சுமார் ஒரு மணி நேரம் போராடி 6 அடி நீளமுள்ள சாரைப்பாம்பை பிடித்தனர். பின்னர் அந்த பாம்பு நத்தம் வனத்துறையினரிடம் ஒப்படைக்கப்பட்டது. அவர்கள் நத்தம் அருகே உள்ள வனப்பகுதியில் கொண்டுபோய் விட்டனர்.