ரெயில் முன் பாய்ந்து வாலிபர் தற்கொலை

மகுடஞ்சாவடி ரெயில்வே நிலையத்துக்கும், மாவேலிபாளையம் ரெயில் நிலையத்திற்கும் இடைப்பட்ட தண்டவாள பகுதியில், வாலிபர் ஒருவர் இறந்து கிடப்பதாக ஈரோடு ெரயில்வே போலீசாருக்கு நேற்று முன்தினம் தகவல் வந்தது. அதன்பேரில், போலீஸ் சப் -இன்ஸ்பெக்டர் முருகானந்தம் தலைமையிலான போலீசார் அங்கு விரைந்து சென்று, இறந்து கிடந்த வாலிபரின் உடலை கைப்பற்றி விசாரணை நடத்தினர். விசாரணையில் இறந்தவர், சேலம் மாவட்டம் காக்காபாளையத்தை சேர்ந்த சம்பத்குமார் மகன் கலையரசன் (வயது 22) என்பதும், இவர், தகர கொட்டகை அமைக்கும் வேலை பார்த்து வந்ததும், சரிவர வேலை கிடைக்காத மன வேதனையில் நேற்று முன்தினம் ரெயில் முன் பாய்ந்து தற்கொலை செய்து கொண்டதும் தெரியவந்தது. இதைத் தொடர்ந்து போலீசார் கலையரசனின் உடலை மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். இதுகுறித்து ஈரோடு ரெயில்வே போலீசார் வழக்கு பதிவு செய்து விசாரணை நடத்தி வருகின்றனர்.