ஓடும் ரெயிலில் இருந்து தவறி விழுந்து வாலிபர் பலி

ஜோலார்பேட்டை-பெங்களூரு ரெயில் மார்க்கத்தில் பச்சூர்-மல்லானூர் இடையே ரெயிலில் படிக்கட்டில் அமர்ந்து பயணம் செய்தவர் தவறி விழுந்து தலையில் அடிபட்டு இறந்து கிடந்தார். தகவல் அறிந்த ஜோலார்பேட்டை ரெயில்வே போலீஸ் சப்-இன்ஸ்பெக்டர் ஜெயக்குமார் மற்றும் போலீசார் சம்பவ இடத்துக்கு விரைந்து சென்று பிணத்தை கைப்பற்றி பிரத பரிசோதனைக்காக வேலூர் அரசு மருத்துவமனைக்கு அனுப்பி வைத்தனர்.

இறந்தவர் மாநிறம் உடையவர். வெள்ளை, ரோஸ் கலர் கட்டம் போட்ட அரைக்கை சட்டை மற்றும் நீல நிற வெள்ளை கலந்த டிரவுசர் அணிந்திருந்தார்.

இவர் யார் எந்த ஊரைச் சேர்ந்தவர் என தெரியவில்லை. இதுகுறித்து ஜோலார்பேட்டை ரெயில்வே போலீசார் விசாரணை நடத்தி வருகின்றனர்.