சாலை தடுப்பில் மோதி வாலிபர் பலி

உசிலம்பட்டி,

உசிலம்பட்டி அருகே உள்ளது கோடாங்கி நாயக்கன்பட்டி. இந்த ஊரை சேர்ந்த ஜெயராம் மகன் தங்கமாயி (வயது26). இவருக்கு திருமணமாகி ஒரு வயதில் ஆண் குழந்தை உள்ளது. நேற்று இரவு கோடாங்கி நாயக்கன்பட்டியில் இருந்து உறவினரை பார்க்க காளப்பன்பட்டிக்கு மானூத்து வழியாக இதே ஊரை சேர்ந்த தன்னுடைய நண்பர் உக்கிரபாண்டி மகன் தினேஷ் (25) உடன் மோட்டார் சைக்கிளில் சென்றுள்ளார். அப்போது இவர்கள் சென்ற மோட்டார் சைக்கிள் மானூத்து அருகே சாலையின் குறுக்கே கட்டப்பட்டுள்ள பாலத்தின் ஓரத்தில் உள்ள தடுப்பில் மோதியது. இதில் தூக்கிவீசப்பட்டு படுகாயம் அடைந்த தங்கமாயி மற்றும் தினேஷ் உசிலம்பட்டி அரசு மருத்துவமனைக்கு சிகிச்சைக்காக கொண்டு செல்லப்பட்டனர். அங்கு சிகிச்சை பலன் அளிக்காமல் தங்கமாயி பரிதாபமாக உயிரிழந்தார். இது குறித்து எழுமலை போலீசார் இன்ஸ்பெக்டர் செல்வம் வழக்குப்பதிவு செய்து விசாரணை செய்து வருகின்றார்.