விபத்தில் வாலிபர் பலி

கூடங்குளம்:

கூடங்குளம் அருகே உள்ள ஆவரைகுளத்தை சேர்ந்த ஆறுமுகம் என்பவருடைய மகன் சக்தி குமார் (வயது 32). இவர் தனது மோட்டார் சைக்கிளில் வேகமாக சென்றதாக கூறப்படுகிறது.

அப்போது எதிரே வந்த அரசு பஸ் மீது மோதி சம்பவ இடத்திலேயே அவர் உயிர் இழந்தார். தகவல் அறிந்ததும் கூடங்குளம் போலீசார் அவரது உடலை கைப்பற்றி பிரேத பரிசோதனைக்காக ஆசாரிபள்ளம் அரசு ஆஸ்பத்திரிக்கு அனுப்பி வைத்தனர். இன்ஸ்பெக்டர் ஜான் பிரிட்டோ வழக்குப்பதிவு செய்து விசாரணை நடத்தி வருகிறார்.