விபத்தில் வாலிபர் பலி

ஸ்ரீவில்லிபுத்தூர்,

ராஜபாளையம் அருகே உள்ள செட்டியார்பட்டி பகுதியை சேர்ந்தவர் குற்றாலக்கனி. இவருடைய நண்பர் வெங்கடேசன். இவர்கள் இருவரும் கும்பகோணத்தில் உள்ள தனது உறவினர் வீட்டில் நடைபெற்ற நிகழ்ச்சிக்கு சென்று விட்டு காரில் திரும்பி வந்து கொண்டிருந்தனர். காரை செட்டியார் பட்டியை சேர்ந்த மாரிமுத்து (வயது24) என்பவர் ஓட்டி வந்தார். ஸ்ரீவில்லிபுத்தூர்-மதுரை ரோட்டில் நத்தம்பட்டி விளக்கு அருகே வந்த போது நிலை தடுமாறி கார், புளிய மரத்தின் மீது மோதியது. இந்த விபத்தில் மாரிமுத்து என்பவர் பலியானார். குற்றாலக்கனி, வெங்கடேசன் ஆகிய 2 பேரும் படுகாயம் அடைந்தனர். உடனே அவர்களை மீட்டு சிகிச்சைக்காக ஸ்ரீவில்லிபுத்தூர் அரசு ஆஸ்பத்திரியில் சேர்த்தனர். இ்ந்த சம்பவம் குறித்து நத்தம்பட்டி போலீசார் வழக்குப்பதிவு செய்து விசாரணை நடத்தி வருகிறார்கள்.