மரத்தின் மீது மோட்டார் சைக்கிள் மோதி வாலிபர் பலி

வாலிபர் பலி

திண்டுக்கல் மாவட்டம், குஜிலியம்பாறை தாலுகா கூடலூர் அருகே உள்ள குப்பமேட்டுப்பட்டியை சேர்ந்தவர் ஜோதீஸ்வரன் (வயது 32). இவர் கரூரில் உள்ள ஒரு தனியார் நிறுவனத்தில் ஊழியராக பணியாற்றி வந்தார். இந்தநிலையில் நேற்று முன்தினம் மாலை ஜோதீஸ்வரன் தனது மோட்டார் சைக்கிளில் வெள்ளியணையில் இருந்து ஜெகதாபிக்கு சென்று கொண்டிருந்தார்.

திருமலைநாதன்பட்டி பகுதியில் அமைந்துள்ள தனியார் கல்லூரி அருகே சென்றபோது மோட்டார் சைக்கிள் நிலை தடுமாறி சாலையோரத்தில் உள்ள மரத்தின் மீது பயங்கரமாக மோதியது. இதில் மோட்டார் சைக்கிளில் இருந்து தூக்கி வீசப்பட்ட ஜோதீஸ்வரன் சம்பவ இடத்திலேயே பரிதாபமாக இறந்தார்.

வழக்கு

இதுகுறித்து தகவல் அறிந்த வெள்ளியணை போலீஸ் சப்-இன்ஸ்பெக்டர் விஜயகுமார் தலைமையிலான போலீசார் சம்பவ இடத்திற்கு வந்தனர். பின்னர் ஜோதீஸ்வரனின் உடலை கைப்பற்றி பிரேத பரிசோதனைக்காக கரூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். இந்த விபத்து குறித்து போலீசார் வழக்குப்பதிந்து விசாரணை நடத்தி வருகின்றனர்.