மோட்டார் சைக்கிள் மோதி வாலிபர் பலி

காரியாபட்டி,

நரிக்குடி அருகே உள்ள நாலூர் கிராமத்தை சேர்ந்த போஸ் மகன் அய்யனார் (வயது30). இவர் காரியாபட்டி - நரிக்குடி சாலையில் மோட்டார் சைக்கிளில் சென்று கொண்டிருந்தார். அப்போது அந்த வழியாக வந்த மோட்டார்சைக்கிள் மோதியதில் அய்யனார் நிலை தடுமாறி விழுந்தார். இதில் காயம் அடைந்த அவரை சிகிச்சைக்காக காரியாபட்டி அரசு ஆஸ்பத்திரியில் அனுமதித்தனர். பின்னர் அவர் மேல் சிகிச்சைக்காக மதுரை அரசு ஆஸ்பத்திரியில் அனுமதிக்கப்பட்டார். இந்தநிலையில் சிகிச்சை பலனின்றி அய்யனார் உயிரிழந்தார். இதுகுறித்து நரிக்குடி போலீசார் வழக்குப்பதிவு செய்து விசாரணை நடத்தி வருகின்றனர்.