இருசக்கர வாகனத்தில் இருந்து தவறி விழுந்த வாலிபர் பலி

ராஜபாளையம்,

ராஜபாளையம் அருகே உள்ள சுந்தரராஜபுரம் கிராமத்தை சேர்ந்தவர் முத்துகிருஷ்ணன் (வயது 21). இவருடைய நண்பர் மணிகண்டன் (23). இவர்கள் 2 பேரும் சுந்தரராஜபுரம் மேற்கு தொடர்ச்சி மலை அடிவாரம் ஆராய்ச்சி ஊருணி அருகில் இரு சக்கர வாகனத்தில் சென்று கொண்டு இருந்தனர். அப்போது வேகத்தடை மீது இருசக்கர வாகனம் ஏறி இறங்கியதில் இருவரும் தவறி கீழே விழுந்ததாக கூறப்படுகிறது. இதில் தலையில் பலத்த காயம் அடைந்த முத்துகிருஷ்ணன் சம்பவ இடத்திலேயே பலியானார். படுகாயம் அடைந்த மணிகண்டனை சிகிச்சைக்காக ராஜபாளையம் அரசு ஆஸ்பத்திரிக்கு அழைத்து சென்றனர். பின்னர் அவர் மேல் சிகிச்சைக்காக பாளையங்கோட்டை அரசு ஆஸ்பத்திரியில் சேர்க்கப்பட்டார். இதுகுறித்து சேத்தூர் புறநகர் போலீசார் வழக்குப்பதிவு செய்து விசாரணை நடத்தி வருகின்றனர்.