இருசக்கர வாகனத்தில் சென்ற வாலிபர் பலி

கமுதி

கமுதி அருகே பூதத்தான் என்ற கிராமத்தை சேர்ந்தவர் முருகேசன் (வயது 24). இவர் தனது நண்பர் வலையபூக்குளம் கிராமத்தை சேர்ந்த அருண் (25) என்பவருடன் இருசக்கர வாகனத்தில் வெளியூர் சென்று விட்டு, கமுதி நோக்கி திரும்பி வந்து கொண்டிருந்தார். பாம்புல்நாயக்கன்பட்டி அருகே வந்தபோது முன்னே சென்ற ஆட்டோ ஒன்றை முந்தி செல்ல முயன்றனர். அப்போது எதிர்பாராதவிதமாக ஆட்டோவில் மோதி கீழே விழுந்ததில், முருகேசன் தலையில் பலத்த காயமடைந்து சம்பவ இடத்திலேயே பலியானார். அவரது உடல் கமுதி அரசு மருத்துவமனைக்கு பிரேத பரிசோதனைக்கு அனுப்பி வைக்கப்பட்டது. அருண் மற்றும் ஆட்டோவில் சென்ற கண்ணார்பட்டி பகுதியை சேர்ந்த சூர்யகலா (42) என்ற பெண் ஆகியோரும் படுகாயம் அடைந்தனர். இவர்கள், இருவரும் கமுதி அரசு மருத்துவமனைக்கு கொண்டு செல்லப்பட்டனர். பின்னர் காயமடைந்த இருவரும் மேல் சிகிச்சைக்காக மதுரை அரசு மருத்துவமனையில் அனுமதிக்கப்பட்டனர். இதுகுறித்து கமுதி போலீசார் வழக்கு பதிவு செய்து விசாரணை நடத்தி வருகின்றனர்.