லாரி மோதி வாலிபர் பலி

மெலட்டூர்:

தஞ்சை அருகே உள்ள மாத்தூர் லிங்கத்தடிமேடு கிராமத்தை சேர்ந்தவர் காசிநாதன். இவருடைய மகன் விக்னேஷ் (வயது28). இவர் சம்பவத்தன்று பாபநாசம் அருகே சோத்தமங்களத்தில் உள்ள தனது சகோதரி வீட்டுக்கு சென்று விட்டு மீண்டும் தனது வீட்டுக்கு செல்ல புதிதாக போடப்பட்டு வரும் தஞ்சை-விக்ரவாண்டி தேசிய நெடுஞ்சாலையில் மேல செம்மங்குடி அருகே நடந்து சென்ற போது அந்த வழியாக வந்த லாரி விக்னேஷ் மீது மோதியது. இதில் பலத்த காயமடைந்த அவர் சம்பவ இடத்திலேயே உயிரிழந்தார்.

இதுகுறித்து தகவல் அறிந்த மெலட்டூர் போலீசார் சம்பவ இடத்திற்கு சென்று விக்னேஷ் உடலை கைப்பற்றி பிரேத பரிசோதனைக்காக அய்யம்பேட்டை அரசு ஆஸ்பத்திரிக்கு அனுப்பி வைத்தனர். இந்த விபத்து தொடர்பாக மெலட்டூர் போலீசார் வழக்குப்பதிவு செய்து விசாரணை நடத்தி வருகின்றனர்.