தொழிலாளிக்கு கொலை மிரட்டல் விடுத்த வாலிபர் கைது

ஸ்பிக்நகர்:

தூத்துக்குடி அருகே உள்ள முத்தையாபுரம் தங்கமணி நகரைச் சேர்ந்தவர் கணேசன் மகன் இசக்கிமுத்து (வயது35). கூலி தொழிலாளி. இவர் பொட்டல்காடு விலக்கு பகுதியில் வந்து கொண்டிருந்தபோது, அங்கு வந்த முள்ளக்காடு தேவிநகரைச் சேர்ந்த ரமேஷ் (28) என்பவர் இசக்கிமுத்துவிடம் மது குடிப்பதற்கு பணம் கேட்டுள்ளார். அவர் பணம் கொடுக்க மறுக்கவே ஆத்திரமடைந்த ரமேஷ் மறைத்து வைத்திருந்த அரிவாளை காட்டி இசக்கிமுத்துவுக்கு கொலை மிரட்டல் விடுத்ததாக கூறப்படுகிறது.

இதுகுறித்த புகாரின் பேரில் முத்தையாபுரம் போலீஸ் சப்- இன்ஸ்பெக்டர் மகாராஜன் வழக்குப்பதிவு செய்து விசாரணை நடத்தி, ரமேஷை கைது செய்தார்.