கத்தியை காட்டி மிரட்டிய வாலிபர் கைது

ஜோலார்பேட்டை அருகே திரியாலம் பகுதியில் இன்ஸ்பெக்டர் மங்கையர்கரச, சப்-இன்ஸ்பெக்டர் நடராஜன் மற்றும் போலீசார் நேற்று ரோந்து பணியில் ஈடுபட்டனர். அப்போது மாரியம்மன் கோவில் பகுதியில் போக்குவரத்துக்கு இடையூறாக மதுபோதையில் கையில் கத்தியை வைத்துக்கொண்டு பொதுமக்களை அச்சுறுத்தி வாலிபர் ஒருவர் மிரட்டிக்கொண்டு சுற்றித் திரிந்தார். உடனடியாக போலீசார் விரைந்து சென்று வாலிபரை பிடித்து விசாரணை நடத்தினர். அதில் அவர் திரியாலம் பகுதியை சேர்ந்த குமார் என்பவரின் மகன் ஆதித்யன் (வயது 21) என்பது தெரிய வந்தது.

இதனையடுத்து போலீசார் அவரை கைது செய்தனர். பின்னர் வழக்குப்பதிவு செய்து, திருப்பத்தூர் கோர்ட்டில் ஆஜர்படுத்தி சிறையில் அடைத்தனர்.