வழிப்பறியில் ஈடுபட்ட வாலிபர் குண்டர் சட்டத்தில் கைது

திருவண்ணாமலை,

வழிப்பறியில் ஈடுபட்ட வாலிபர் குண்டர் சட்டத்தில் கைது செய்யப்பட்டார்.

திருவண்ணாமலை சமுத்திரம் காலனி பகுதியைச் சேர்ந்தவர் பிரசாந்த் (வயது 25). இவர் கடந்த சில தினங்களுக்கு முன்பு செங்கம் சாலையில் வழிப்பறியில் ஈடுபட்டதால் அவரை திருவண்ணாமலை குற்றப்பிரிவு போலீசார் கைது செய்தனர். அவர் தொடர்ந்து குற்றச் செயலில் ஈடுபடாமல் தடுப்பதற்காக பிரசாந்தை குண்டர் சட்டத்தில் கைது செய்ய வேண்டும் என்று திருவண்ணாமலை மாவட்ட போலீஸ் சூப்பிரண்டு கார்த்திகேயன் பரிந்துரை செய்தார். அதன்படி கலெக்டர் முருகேஷ் உத்தரவின்பேரில் பிரசாந்த் குண்டர் சட்டத்தில் கைது செய்யப்பட்டார்.