நாட்டு துப்பாக்கியுடன் சுற்றித்திரிந்த வாலிபர் கைது

ஆம்பூர் வனச்சரகர் சங்கரய்யா தலைமையிலான வனத்துறையினர் ஆம்பூர் அடுத்த நாயக்கனேரி காப்பு காட்டு பகுதியில் ரோந்து பணியில் ஈடுபட்டனர்.

அப்போது பனங்காட்டேரி அடுத்த மூணுகல் மலை அருகே சென்றபோது ஒருவர் துப்பாக்கியுடன் சுற்றி திரிவதை பார்த்தனர். உடனே அவரை மடக்கி பிடித்து அவரிடம் இருந்த நாட்டுதுப்பாக்கி, பேட்டரி உள்ளிட்ட வனவிலங்குகளை வேட்டையாட கொண்டு வந்த பொருட்களை பறிமுதல் செய்தனர்.

விசாரணையில் அவர் நாயக்கனேரி ஊராட்சி பனங்காட்டேரி பகுதியை சேர்ந்த திருப்பதி (வயது23) என்பது தெரியவந்தது. இதைத்தொடர்ந்து அவரை வனதுறையினர் கைது செய்து விசாரணை நடத்தி வருகின்றனர்.