தூத்துக்குடியில்வாலிபரை இரும்பு கம்பியால் தாக்கியவர் கைது

தூத்துக்குடி திரேஸ்புரம் தொம்மையார்கோவில் தெருவை சேர்ந்தவர் அந்தோணிசாமி. இவருடைய மகன் நவீன் என்ற தாமஸ் ஜாய் நவீன் (வயது 19). இவர் கடந்த 3.11.2022 அன்று திரேஸ்புரத்தில் உள்ள அந்தோணியார் சர்ச் அருகே நின்று கொண்டு இருந்தார். அப்போது அவருக்கும், அங்கு வந்த தூத்துக்குடி பூபல்ராயர்புரத்தை சேர்ந்த பவுலீஸ் மகன் கிளிட்டஸ் (27) என்பவருக்கும் இடையே வாய் தகராறு ஏற்பட்டு உள்ளது. இதில் ஆத்திரமடைந்த கிளிட்டஸ், தாமஸ் ஜாய் நவீனை இரும்பு கம்பியால் தாக்கி கொலை மிரட்டல் விடுத்து உள்ளார்.

இதுகுறித்து தாமஸ் ஜாய் நவீன் அளித்த புகாரின் பேரில் தூத்துக்குடி வடபாகம் போலீஸ் சப்-இன்ஸ்பெக்டர் சிவராஜா வழக்கு பதிவு செய்து கிளிட்டசை கைது செய்தார்.