குஜிலியம்பாறை அருகே ரெயிலில் அடிபட்டு வியாபாரி பலி

குஜிலியம்பாறை அருகே எம்.களத்தூரை சேர்ந்தவர் நடராஜன் (வயது 56). மாட்டு வியாபாரி. திருமணமாகாத இவர் தனது தம்பியுடன் வசித்து வந்தார்.

இந்தநிலையில் நேற்று இரவு நடராஜன் வியாபாரத்திற்கு செல்வதாக தனது தம்பியிடம் கூறிவிட்டு சென்றார். இதையடுத்து அவர் பாளையத்திற்கும், வெள்ளியணைக்கும் இடையே உள்ள ரெயில்வே தண்டவாளத்தை கடக்க முயன்றதாக கூறப்படுகிறது. அப்போது கரூரில் இருந்து திண்டுக்கல் நோக்கி சென்ற ரெயிலில் அடிபட்டு நடராஜன் சம்பவ இடத்திலேயே பலியானார்.

இதுகுறித்து தகவல் அறிந்த திண்டுக்கல் ரெயில்வே போலீசார், சம்பவ இடத்திற்கு விரைந்து வந்து பார்வையிட்டனர். பின்னர் நடராஜனின் உடலை கைப்பற்றி பிரேத பரிசோதனைக்காக திண்டுக்கல் அரசு மருத்துவமனைக்கு அனுப்பி வைத்தனர். மேலும் இதுதொடர்பாக போலீசார் வழக்குப்பதிவு செய்து விசாரித்து வருகின்றனர்.