நடுரோட்டில் தீப்பிடித்து எரிந்த இருசக்கர வாகனம்

சிவகங்கை 48 காலனியை சேர்ந்தவர் விக்டர் ராஜ் (வயது 50). இவர் அரசு மருத்துவக்கல்லூரி மருத்துவமனையில் ஒப்பந்த பணியாளராக பணிபுரிந்து வருகிறார். நேற்று அவர் தனது இருசக்கர வாகனத்தில் வழக்கம்போல் பணிக்கு சென்றார். மருத்துவக்கல்லூரி மருத்துவமனை நுழைவுவாயிலில் செல்லும்போது திடீரென அவரது இருசக்கர வாகனத்தில் தீப்பற்றி எரிந்தது. இதனை கண்டு அதிர்ச்சியடைந்த விக்டர் ராஜ் உடனடியாக வண்டியை நிறுத்திவிட்டு கீழே குதித்தார். இதில் அவருக்கு காலில் லேசான காயம் ஏற்பட்டது. இருசக்கர வாகனம் தீப்பிடித்து எரிவதை கண்ட அங்கிருந்த பொதுமக்கள் மணல் மற்றும் தண்ணீரை ஊற்றி தீயை அணைத்தனர்.