மனைவியை தாக்கியவருக்கு வலைவீச்சு

மானூர்;

மானூர் அருகே காந்தீஸ்வரன்புதூரைச் சேர்ந்தவர் இசக்கிபாண்டி (வயது 34). இவருடைய மனைவி இசக்கியம்மாள் (27). இவர்களுக்கு 3 மகள்கள் உள்ளனர். கடந்த ஒரு ஆண்டுக்கு முன்பு கணவன்-மனைவி இடையே ஏற்பட்ட கருத்து வேறுபாடு காரணமாக, இசக்கியம்மாள் கணவரை விட்டு பிரிந்து குழந்தைகளுடன் தனது பெற்றோரின் வீட்டில் வசித்து வருகிறார்.

இந்நிலையில் நேற்று முன்தினம் இசக்கியம்மாள் சுய உதவிக்குழுவிற்கு பணம் செலுத்துவதற்காக வந்தபோது, அவரை இசக்கிபாண்டி வழிமறித்து கம்பால் தாக்கினார். இதில் காயமடைந்த இசக்கியம்மாள், பாளையங்கோட்டை அரசு மருத்துவமனையில் சிகிச்சை பெற்று வருகிறார். இதுகுறித்த புகாரின்பேரில், மானூர் போலீசார் வழக்குப்பதிவு செய்து தலைமறைவான இசக்கிபாண்டியை வலைவீசி தேடி வருகின்றனர்.