சாலை தடுப்பு மீது சரக்கு வேன் ேமாதியதில் பெண் பலி

கும்பகோணத்தில் சாலை தடுப்பு மீது சரக்கு வேன் மோதியதில் பெண் பரிதாபமாக இறந்தார்.

பெண் சாவு

கும்பகோணம் புதுராம் நகரை சேர்ந்தவர் செல்வம் (வயது49). சரக்கு வேன் டிரைவர். கும்பகோணம் ஆட்டோ நகர் மெயின் ரோட்டை சேர்ந்தவர் ஜாக்குலின் மேரி (45). நேற்றுமுன்தினம் கும்பகோணம் பாலக்கரை பகுதியில் செல்வம் தனது வேனை ஓட்டி வந்தார். அப்போது சாலையின் நடுவே உள்ள சாலை தடுப்பு மீது எதிர்பாராதவிதமாக வேன் மோதியது. அப்போது அங்கு வந்து கொண்டிருந்த ஜாக்குலின் மேரி மீது சாலை தடுப்பு (பேரிகார்டு) மோதியது. இதில் படுகாயமடைந்த அவர் சம்பவ இடத்திலேயே பரிதாபமாக இறந்தார்.

விசாரணை

தகவல் அறிந்ததும் கும்பகோணம் போலீசார் சம்பவ இடத்திற்கு வந்து ஜாக்குலின் மேரி உடலை கைப்பற்றி கும்பகோணம் அரசு ஆஸ்பத்திரிக்கு பிரேத பரிசோதனைக்காக அனுப்பி வைத்தனர். இதுகுறித்து கும்பகோணம் கிழக்கு போலீசார் வழக்குப்பதிவு செய்து விசாரணை நடத்தி வருகின்றனர்.