மாடியில் இருந்து தவறி விழுந்த வாலிபர் பலி

முக்கூடல்:

அம்பையைச் சேர்ந்தவர் கிருஷ்ணன் மகன் அய்யப்பன் (வயது 27). இவர் சம்பவத்தன்று முக்கூடல் அருகே அரியநாயகிபுரத்தில் உள்ள தனது உறவினரான சேதுராமன் வீட்டுக்கு சென்றார். அந்த வீட்டின் மாடியில் நின்று அய்யப்பன் செல்போன் பேசினார். அப்போது அவர் எதிர்பாராதவிதமாக மாடியில் இருந்து தவறி விழுந்தார்.

இதில் படுகாயமடைந்த அவரை பாளையங்கோட்டை ஐகிரவுண்டு அரசு ஆஸ்பத்திரியில் அனுமதித்து தீவிர சிகிச்சை அளித்தனர். ஆனாலும் சிகிச்சை பலனின்றி அய்யப்பன் நேற்று பரிதாபமாக இறந்தார். இதுகுறித்து முக்கூடல் போலீசார் வழக்குப்பதிவு செய்து விசாரணை நடத்தி வருகின்றனர்.