ெரயில் மோதி இளம்பெண் பலி

சேரன்மாதேவி:

சேரன்மாதேவி அருகே, ரெயில் மோதி இளம்பெண் பலியானார்.

ரெயில் மோதியது

செங்கோட்டையில் இருந்து நெல்லைக்கு நேற்று காலையில் பயணிகள் ரெயில் புறப்பட்டு சென்றது. காலை 11.30 மணியளவில் சேரன்மாதேவியை அடுத்த கூனியூர் அருகில் சென்றபோது, இளம்பெண் மீது ரெயில் மோதியது. இதில் பலத்த காயமடைந்த அவர் சம்பவ இடத்திலேயே பரிதாபமாக இறந்தார்.

இதுகுறித்து தகவல் அறிந்த தென்காசி ெரயில்வே போலீசார் சம்பவ இடத்துக்கு விரைந்து சென்றனர். இறந்த இளம்பெண்ணின் உடலைக் கைப்பற்றி பிரேத பரிசோதனைக்காக நெல்லை அரசு மருத்துவமனைக்கு அனுப்பி வைத்தனர்.

தற்கொலையா?

மேலும் இதுகுறித்து வழக்குப்பதிவு செய்து விசாரணை நடத்தினர். விசாரணையில், ரெயில் மோதி இறந்தவர் சேரன்மாதேவி காலங்கரை தெருவைச் சேர்ந்த தாமோதரன் மகள் பிரியா (வயது 19) என்பது தெரிய வந்தது. அவர் ரெயிலில் பாய்ந்து தற்கொலை செய்து கொண்டாரா? அல்லது தண்டவாளத்தை கடக்க முயன்றபோது ரெயில் மோதி இறந்தாரா? என்பது குறித்து போலீசார் விசாரணை நடத்தி வருகின்றனர்.