முன்விரோதத்தில் பெண்ணை தாக்கி வாலிபர் கைது

பெரியகுளம் அருகே எ.புதுக்கோட்டை ஜே.கே.காலனியை சேர்ந்த கருப்பணன் மனைவி மல்லிகா (வயது 23). இவரது பக்கத்து வீட்டில் வசித்து வருபவர் தவமணி (19). இவர்கள் 2 பேருக்கும் இடையே அடிக்கடி தகராறு ஏற்பட்டு வந்ததாக கூறப்படுகிறது. இதனால் அவர்களுக்குள் முன்விரோதம் இருந்து வந்தது.

இந்தநிலையில் நேற்று முன்தினம் தவமணி, மல்லிகாவின் வீட்டின் முன்பு நின்று கொண்டு தகாத வார்த்தைகளால் பேசியதுடன், தகராறு செய்தார். இதனை மல்லிகா தட்டிக்கேட்டபோது, அவரை தவமணி மானபங்கம் படுத்தியதாக கூறப்படுகிறது. மேலும் தவமணி, தனது மைத்துனர் வெற்றியுடன் (22) சேர்ந்து மல்லிகாவை தாக்கினார். இதுகுறித்து பெரியகுளம் போலீஸ் நிலையத்தில் மல்லிகா புகார் அளித்தார். அதன்பேரில் போலீசார் வழக்குப்பதிவு செய்து தவமணியை கைது செய்தனர். தலைமறைவான வெற்றியை வலைவீசி தேடி வருகின்றனர்.