ஆதார் எண்ணை இணைப்பதற்கான விழிப்புணர்வு ஊர்வலம்

நாட்டறம்பள்ளி அரசு ஆண்கள் மேனிலைப்பள்ளியில் வாக்காளர் அடையாள அட்டையுடன், ஆதார் எண்ணை இணைப்பதற்கான விழிப்புணர்வு ஊர்வலம் நடந்தது. பள்ளி தலைமை ஆசிரியர் சா.இளங்கோ தலைமை தாங்கினார். நாட்டுநலப்பணி திட்ட அலுவலர் சி.ரவிவர்மன், உதவி தலைமை ஆசிரியர்கள் வேல்முருகன், முருகேசன் ஆகியோர் முன்னிலை வகித்தனர். நாட்டறம்பள்ளி தாசில்தார் பூங்கொடி கொடியசைத்து ஊர்வலத்தை தொடங்கி வைத்தார்.

ஊர்வலம் பள்ளி வளாகத்திலிருந்து புறப்பட்டு பஸ் நிலையம் வரை நகரின் முக்கிய வீதிகளின் வழியாக சென்றது. இதில் மாணவர்கள் கலந்துகொண்டு விழிப்புணர்வு வாசகங்கள் அடங்கிய ரதாகைகளை ஏந்தி சென்றனர். துணை தாசில்தார்கள் நிர்மலா, சுதாகர் மற்றும் பள்ளி ஆசிரியர்கள் கலந்து கொண்டனர்.