ஆத்தூர் அருகே லாரி மோதி பெண் பலி

ஆத்தூர்:

ஆத்தூர் மந்தைவெளி மாரியம்மன் கோவில் தெருவை சேர்ந்தவர் ரமேஷ் (வயது 43). இவருடைய மனைவி சங்கீதா (38). இவர்கள் இருவரும் சாக்கு தைக்கும் தொழில் செய்து வந்தனர். கள்ளக்குறிச்சி மாவட்டம் சின்னசேலம் தாலுகா அம்மையகரம் என்ற இடத்தில் உள்ள ஒரு அரிசி ஆலையில் சாக்கு தைக்கும் வேலைக்கு சென்று விட்டு நேற்று இரவு 7.30 மணி அளவில் ஆத்தூருக்கு ஸ்கூட்டரில் வீடு திரும்பி கொண்டிருந்தனர்.

ஆத்தூர் அருகே ஒட்டம்பாறை என்ற இடத்தில் வந்த போது மரவள்ளி கிழங்கு ஏற்றிக்கொண்டு கருமந்துறையில் இருந்து அம்மம்பாளையம் நோக்கி சென்ற ஒரு லாரி, எதிர்பாராதவிதமாக ஸ்கூட்டர் மீது மோதியது. இதில் தூக்கி வீசப்பட்டதில் கீேழ விழுந்ததில் சங்கீதா தலைமீது லாரி சக்கரம் ஏறியது. இதில் தலை நசுங்கி சங்கீதா அதே இடத்திலேயே கணவர் கண்எதிரே பரிதாபமாக உயிரிழந்தார். ரமேஷ் காயங்களுடன் உயிர் தப்பினார். இதைப் பார்த்த அக்கம் பக்கத்தினரும் இறந்த சங்கீதாவின், உறவினர்களும் திரண்டு வந்து லாரியின் கண்ணாடிகளை அடித்து உடைத்தனர். இதனிடையே லாரி டிரைவர் அங்கிருந்து ஓடி விட்டார். விபத்து குறித்து ஆத்தூர் டவுன் போலீஸ் இன்ஸ்பெக்டர் செந்தில்குமார் மற்றும் போலீசார் வழக்குப்பதிவு செய்து விசாரணை நடத்தி வருகிறார்கள். மேலும் தப்பி ஓடிய டிைரவரை போலீசார் தேடி வருகிறார்கள்.